Ang kasal nga tumotumo Chapter 3 by Dr. Julito Tigley

Ang kasal nga tumotumo
Chapter 3

Ug didto sa unang ang-ang sa cinema Oriente, may galingkod nga dako kaayog bahakhak, aw, way lain si isyot nakatayming na pud ug mi-ingon pa, “ Mam balus unya kissingay ha”. He! He! He!
Misulod dayun sila, apan mihunong usa kay gi-aninaw ang palibot, pwerting ngitngita gud, ug gigunitan dayun ni Tikoy ang hawak ni Kikay. Ni kisikisi untag kadiyut, apan nakasabot gyud sa nadugay, kay wala man tuoy makakita nila. Mibalos hinuon siyag gakos sa hawakan ni Tikoy, unya mi-ingon ug hinay kaayong tingog, “Tikoy, hugta unya kug gunit kay na-a unya si Dracula dinhi”.
Ug nahimutang na gyud sila, didto sa may luyo pero sa ikaduhang linya. Wala gyud usa motan-aw si Tikoy kay lain man ang diha sa iyang hunahuna. Kahagkunon na kaayo siya, pero na unhan siya ni Kikay, “ uy, ayaw gyud usa ug kiss kiss nako, kay wala pa ra ba nato matan-aw ug kinsa ning naa sa atong mga tupad. Nah, si principal ontayre gani na patay gyud kang ilagaa ka.”. Ug sa kainit na sa lawas ni Tikoy naka pangagho, “Kaykiks, syaro sad ka uy! Kahibalo baya kang syudad na ni, ug layo na kaayo ta sa atoa. Ha-i kahag atung saboton ni, nga kun maghalok na gani na sila Ara ug si Manny diha sa tilon, halok pud ta gud.” Pugos ni Tikoy.
“Oh! Sege sugot ko ana. Unya, pwerte ra bang kaon nimo atong nukos nga bulad didto sa ka Sir makoy nimo, unya wa gyud ka manukhi ?”. Tiaw ni Kikay. Ug abtik pud nga sulti niya dayun.“Sige lang gud na gud, unsa ka gud, hasta nukos imo pa gyud nang i apil”. “Gawas ngadto kaw palit usa ug Tigley’s Juicy fruit Bi! haron ato dayun masugdan ang pinahitay”. Aw, mitindog dayun si Tikoy haron mopalit. Morag gyud ug kwitis, kay nakabalik dayun. “ Unya Juicy fruit gyud na?”. ug mitubag si tikoy, “ Tiny bubble ra gyud”. Ang dala ni Tikoy diay bubble gum. “Aw, sege na lang” Sus, sa telon nakita na man nila nga si Ara ug Manny, nagpinahitay, aw, wala gyud magdugay si Tikoy, iya dayun gui ukoban si Tikay, apan dihay nag-agik-ik sa luyo nila nga hapit matuk-i ug pinugong ug katawa. Nakalit lang tawon ug hunong ang ilang ka init. Wa dangti, singko minutos, misiga bitaw nang mga suga, diha pa sila mahibalo nga natapos na diay ang sene. Nakalitan sila kay ang nagkatawa sa luyo si Isyot man diay.

Pero wala madugay, ilang nakita nga migawas na si isyot, kay diha na man sa pultahan, bisag halap si isyot sa kangitngit, gahimohimo ug signal, morag mibahad oh nagpasabot, nga magkita lang ta sa atoa. Ug sa ilang hunahuna pud, bahala kang isyota ka! Ug mao, unsay gihimo, ilang gisubli ang salida, ug didto, kay wala na man silay gikabalak-an, nalingaw gyud ang ilang tagsatagsa ka galamhan. Mikanaug sila sa senehan, ug mipahulay silag kadiyot diha sa kan-anan saa may Gaisano Metro. Mihangyo si Tikoy nga manulod unta sila sa motel, pero, dili man gyud mosugot si Kikay ka wala man gyud siya ma “sold out”, sa kasal atubangan sa chopsoy. Gitudlotudlo gyud niya ang iyang agtang, nga nakasabot gyud kaayo siya nga ang kasal nga gihimo ni Sir Makoy, tumotumo lang gyud to para si tikoy maka-kaon sa iyang mansanas. Sa hilum ang iyang itoy nga hunahuna nag-ingon, “ Ilara tits”.

Nianang pagkabuntag, mao gyud pag abot nila sa Topatpat. Sa ila gyud nga pagkanaug sa Helio Bus, ang una gyud nga ilang nakita, mao ang mga tawo nga nagdayandayan sa Kapilya. Ug ang bayot gyud nga si Ficto, ang ilang gipadicorar, kay kuno almasin gyud ang mga curtina. Anah diay gi-andam nang daan ang kapilya kay sugod na pud ang Flores de mayo.
Si Mam kikay wala na kaayo mulognut nga gigunitan sa hawak, pero naa gihapon niya ang kasuwaw. Sa diha na gyud sila sa Kapilya migawas bitawg kalit si Noy Kardo ug Manding Karya, milanit dayun sa iyang pinuti, dayung ingon ngadto ni Tikoy, “ unsa Magpakasal mo dili ? na hipos na nako ang tanan nga balita, ug positivo ko Kikay nga napusa na gyud ang imong mansanas, busa, kinahanglan nga magpakasal gyud mo sa madaling panahon”. Ug mitubag pud si Mam Kikay, “ Dili na tinuod ang imong gisulti, Tay, kay bisan paghinulon ang akung mansanas, wala gyud ni maunsa-ay”. Unya unsa Tikoy? Magpakasal mo dili? Mapugsanon si Noy Kardo. Ug mihatag si Tikoy sa iyang hukom, “ bisan pag imo kung tigbason anang imong sundang Noy Kardo….. Apan mihunat na unta, apan gitiwas dayun ni tikoy, “ magpakasal gyud hinuon mi”. “Ugma gyud dayun, ug imbitaha ang Mayor, ug hepe, ug uban pa, nga mga dagkug tiyan sa ato”.

Ug gi-andam ang tanan, unya anha lang sa Kapilya, ug ang Pari usa ka englis nga Misyonaryo, si Padre Gell Bowlings.
Nakadungog si isyot dayung pwerte katawa ug mi-ingon pang “ Mission Accomplished” Sir Kardo.

Walay tulog ang duha, kay bisan ug dinali dali maninguha na lang gyud nga maka andam. Si Tilbi, ug Mitdi, mga kawatan ug manok, gi patawag ni Tikoy. Wala pod dangtig dugay, diha dayun. Si Ngetni, nga gikan pa sa syudad, usa sa maayong mangawat ug baboy, diha pud. Ug ang gi ilang kusog mangawat ug Baka nga si Notban, diha pud. Gi briefing dayun ni tikoy, nga kinahanglan inig ka buntag naa makita dayun ang Output. Sa Pagkabuntag na, walay problema diha gyud ang tanan. May baka, daghang kaayong manok, ug duha ka Baboy, may gi asal, aduna puy gilapa.
Maayo pud kay wala pa malabhi ang mga ginamit para sa kasal sa niaging semana, ug bisan ug bahong singot, ug ni Ficto pa, sege lang. kay tuyo gyud nga tapuson ang estorya ba. Luho na kaayo si Tikoy, ug mamkikay pud, nakailis na, ug ang iyang kilay gi ayo gyud ug lalik, sama gyud sa usa ka lukay nga mibadlis sa agtang. Si Kardo ug Manding Karya, andam na pud. Ang Spanish Boots ni Tikoy maoy gisul-ob, ang karsones pud piting kaayo. Diha na si Mayor Cepag, chief Riongfer, Ex chief Dalvi, ug ang Labaw sa tanan, mao si, tongresman Minyak. Ang tanan maestra, didto sa simbahan, maoy ni usher, ug ang tanan nga ginsakpan sa baryo mitabang gyud, labi na gyud si Tenyente Pepo.

Leave a Comment:

SCROLL TO TOP