Ang Kasal nga Tumotumo,Chapter 2 by Dr. Julito Tigley

Ang Kasal nga tumotumo
Chapter 2

Nabuntagan sila sa ilang kalipay ug hudyaka, ang uban nakatulog sa balkon, ug duna say didto sa may galingan, apan diha sa may suok nga medyo, maayong pagkabutang, ang duha ka tukmo, si tikoy ug kikay,nagtinupsanay na sa ilang ngabil sa ngabil nga sangka. Unsa-on nga mora man ug gasa sa panahon, nga mag abot ang ilang duha ka gana sa pagbati, di miresulta gyud nga silang duha nagka uyab. Daghang salamat sa bangaw ni Tenyente Pepo. Hilum nga honghong diha sa ilang tagsa tagsa ka alimpatakan.
Hayag na sa buntag, nga ang tanan nangana-ug na. Ang mga maestra pud ninngsugud nag tangas paingon sa ilang dapit. Si tikoy iya lang usang guipasagdan ang iyang kabaw, kay iya pud nga guinuntan si Kikay, padulong sa iyang pinuy-anan. Wan-a gyud taga-i niyag higayon, kay sa nagkuyog sila iya na man nga guisangunan sa iyang bukton ang li-og ni mam kikay , bahalag madungog sa tibuok baryo, basta na in love lang walay problema.
Si Tikoy human sa iyang paghatod, nakit-an na sa mga tawo nga nagdulhog, sege gyud nga taghoytaghoy, mora gyud ug sal-ing nga nanihol, ug ang lubot klaro kaayong nagmalipayon, kay mora gyud ug bali-ala, nga bag-o pang nakakaon ug ta-i sa baka. Pero, didto sa may halayo iyang nakit-an, ang dag-om kaayong nawong ni Manyot, morag namistig maayo. Sege’g bagulbol, “ mayra gyud! mayra gyud!” maoy iyang pung.
Anah! diay, ang kabawng niwang ni Tikoy didto na sa kamaisan ni Tenyente pepo, guibuhian. Pwerte tawong dagan niya, gahangak nga midakop sa iyang kabaw. Guihinganlan dayun niyag Manyot ang iyang kabaw. “ Hoy, Manyota ka, tuli-on tikaw ron, bi tuli-on”. Si Isyot nga nakadungog, sus kung katawa.

Ang tinuod si Manyot gyud ang nagputol sa pisi sa iyang kabaw, pwerte man gyung laguta nga na upawan sa panguyabay ba. Sege lang kay nadakpan ra man pud niya.

Unya mi abot na ang ting-eskuyla, ug si Tikoy mibalik na pud ug eskuyla kay haron gyud matiwas niya ang kurso sa abogasya. Usa na lang ka tuig, ug iya na pud nga andamon ang iyang pagtu-on haron dili siya mag lisud sa Bar Exam. Si Kikay pud nag eskuylag Saturday class haron mahimo pud siyang principal.

Apan si Manyot kay na “discourage” man, misakay ug barko, kay sa mga estorya, guitawagan siya sa Max International, haron mo join sa pag market sa usa ka producto, kanang gui ingon Max gxl o bin Glutathione Accelerator, nga maoy gui market sa iyang igsuon didto sa ulohan. Nawala gyud siya sa Baryo sa Topatpat, pero dako kaayong sugal iyang guibuhat haron lang molambo ang iyang panginabuhi.

Tuod man, sa laing bahin, human sa tuig, nahuman gyud ni Tikoy, and abogasiya ug mibalik usa siya sa Topatpat, kay naninguha pud nga ibalik ang kapiskay sa iyang negosyo nga, tuba juice. Nisamot ang kakusug sa iyang tuba, kay hastang mga chicks gusto pud nga mo inom na, kay na ibog man sa Manager. Pero, wala na gyud silay purohan, kay ang kasingkasing ni tikoy guipanag-iya na man ni Mam Kikay.

Usa kagabi-i niana, hayag kaayo ang buwan ug silang duha si Kikay nagsuroysuroy sa kalubihan sa mga Zaluda, aw, tungod sa kahayag ang mga lubi aduna gyuy mga anino. Haron, sa pagtambal sa kala-ay human na man sila ug lips to lips, di nagkanta-kanta siya. Ang iyang nahibudngan, kay si Kikay, samtang nagkanta siyag Matud Nila, medyo si Kikay mikanta pud, apan aduna gyuy pulong nga wala niya ma-ayoni. Unsaon sagulan man ni Kikay ug hagawhaw nga “ wakwak” ug dili ba “kikikik”. Pero inig tan-aw niya gapahiyum man. Nakahinumdum siya nga gui ingnan siya ni Islaw, nga sa tayhopan kuno, A-one ra ba kuno nga mga abat ang mga ginikanan. Guikuyawan siya. Pero wa gyud siya matahap, bisag init kaayo ug palad si Kikay iya lang ning guirasonan nga si kikay ni pabuylo gyud sa iyang gana. Busa, iya na lang nga guihatod ngadto sa iyang balay.

Nagsabot sila nga sa pagka ugma mangadto sila sa syudad sa Busug, haron mag date guihapon.. He! He! Wala gyud pul-i pa kining duha ka kanahan.

Ug pagka ugma tuod, diha na silang duha nag atang na ug Trak, diha sa atbang sa kapilya. Wala madugay, diha na pud ang trak, nga autobus, ug misakay dayun silang duha. Pwerting mga anyaga ang duha, kay si Kikay nag pitikot gyud ug pulahon, ug si Tikoy pud, asa pud mag papiri, kay ga lo waist ug karsonis, kanang kita gyud ang iyang igotigot. Pagsakay na gyud, guihapak man sa hangin ang iyang pitikot, mora tuod ug payong nga na-igo sa hangin, kay mi alsa man paingon sa ibabaw. Ang conductor, na kaingon hinuon, “ Ay, Mam nakita nu-on ang imong satellite, dili gyud ko manugilon” dayun pid-ok sa mata. Unsay guibuhat ni tikoy haron dili mu-usab ug kaylab, iyang guipasulpitan sa iyang bat-ang haron dili nagmaglupadlupad. Basta uyab na gani team work gyud. Ug wa madugay, niabot na sila sa terminal, mi una’g kanaug si tikoy, ug unya iya gyung guigunitan ang sidsid sa piticot ni Mam kikay haron dili mulupad. Naglagot si Mam kikay kay wa man maghanginhangin, busa iyang guiwakli ang mga kamot ni tikoy.
Diha man diay si isyot, sa atbang nag lingkod sa lantay sa daplin sa Tagalog Resto, hastang katawaha nuon.

Nahinumdum si Tikoy, nga anang adlawa imbitado siya ni maghuhukom Makoy didto sa iyang balay, diha sa dalan Walingwaling, iya dayung gui ingnan si Mam kikay, “ Darling Kiks, imbitado diay ko sa akong Pesor karong adlawa, mangadto usa ta.”.
Ug mitubag si Kikay, “ Pesor-pesor, ma ulaw ta ana. Ikaw lang uy”. Ug mapugsanon si Tikoy, “ Nawala ang team work ana da. Adto gyud ta uy”. Ug wala na lang mangitag away si Kikay, “ Uh! Sege, kuan gyud ka ha, salig lang ka ha nga abogadito na”.

Usa sa mga anindot nga balay sa Walingwaling, ang tag-iya ang iyang Pesor. Wala magpalibak, kay sa iyang pagtuktuk sa pultahan, mao may ni abli. Unya kay may pagkagwatsinanggo man, miingon, “ Tiks ug Kiks, sulod lang mo, ug ayaw mog panig-lain”.
Ug wa gyud siyay laing nga guitubag, maora ni, “ sure sir”. Guipalingkod sila sa silya de altamar mientras tanto nga gui andam pa sa lamesa ang mga pagka-on. “ taym pa sir, unsa diay ron, adlaw ba nimo?”. Pangutana niya. Ug mitubag si Pesor, “ nalipay lang nga nia ka, kay ato na lang mong kaslon, sa di pa ko mamatay”. Morag ni kurog ang wa-it ni Kikay. “ Unsa gud diay ni, mora man pud kog naigo sa taym bomb sa kalami Sir”. Tiaw niya.

Pero ang tinuod, si kikay naghigwa-os, kay nabalisa nganong na-ingon man ni-ini. Sa tanto tanto niyang timbangtimbang, okey na lang siya kay pulos na man pud sila naa sa edad.

Completo tuod ang mga sud-an, ug ngano nga daghan man kaayong basiyo sa Plato? “sir, kita ra man kaha nganong inyo man nga guidaghan ang Plato Sir,”. Ug mitubag si Pesor Makoy, “ayaw na lang ug langaslangas diha!”.

Diha sa lamesa guisugdan dayun ni Sir Makoy ang seremonyas, “ sa ngalan niining mga sud-an nga guikan sa dagat ug yuta, ania ang duha ka binuhat naghangyo nga silang duha buot nang magminyo para sa ilang maayong ugma.”. Ug si Kikay, mikalit ug sulti, “ Tumotumo ma nang imo sir, wala gyud mi nuon maghangyo,”. Miingon ang huwes, “stand corrected, pero, dili na mausab”. “Karon Ikaw Kikay, atubangan ni-ining chopsoy, dawaton mo ba si Tikoy nga imong mahimong tigpahu-otay?” Pangutana sa Maghuhukom. Unya dugay nga mitubag si Kikay. Ug dayun sulti, “ andam nga magpahu-ot mahal nga maghuhukom”. Ug karon ari na pud ta ni tikoy, “ Unsa Tikoy andam ba pud ka nga mopahuot ngadto sa kang Kikay?” walay langanlangan, mi-ingon, “ dugay na ko anang hangyo niya, Pwerting andama gyud nako, Sir Makoy.” Ug agig panapos, mi-ingon si Pesor Makoy, “ Natapos na ang inyong kasal, ug karon ato nang sampiton ang atung tulo ka visita nga ana-a sa kwarto. Ug tuod, migawas dayun, sila si Mayor Cepag, Chief riongfer, ug ang ex chief nga si chief dalvi. Gapakpak nga naglakaw padulong sa ilang tagsatagsa ka lingkoranan.

Sa kan-anan, pwerting higop sa pospas si Mayor Cepag, ug ang humba gyud ang guipili ni chief Riongfer, apan si ex chief Dalvi, sibsib lang ug mga utanon, vegetarian na diay. Ang huwes, mika-on gyud sa tanan, kay pwerte man niyang lipaya nga guikasal ang iyang pinangga nga estudyante.. Nahuman gyud ang ilang kinan-anay.
Ug human ug lamanohay, mitindog na si Kikay ug tikoy, kay mogawas. Agig pahalipay, guitaga-an silag free coupon sa Mayor, nga makahigda sa Hotel Dracula, balig duha ka adlaw.
Gi-personal gyud ug hatod sa huwes silang duha ngadto sa gi ingon nga hotel, pero sa duol na gyud sila, mora ug mibugnaw ang bukobuko ni tikoy kay ang hotel mora man ug funeral parlor ni Dr. Patalinghot, sagulan pa sa daku-on ug nawong nga mercedes benz nga lubos itom nga gipanag-iya sa huwes, dili maayo para niya. Gipaka-naug sila sa huwes, unya gi kiloan siya’g katulo, agig paghatag niyag signal nga ipakaon gyud ang mansanas. Diha lang una sila sa pultahan, gapa abot hangtud sa pagliko gyud, ug nawala na tuod diha ang huwes, ug dihadiha mitawag dayun siyag taxi. “Taxi! Taxi!” Ug diha dayun mihunong ang taxi. Sa nagsakay na sila mi-ingon si Kikay, “ Wa man tingale ka ma in love nako, kay ngano man nga wa man ka mosaka, nga pwerte na ra ba kung andama.” Mitimang si Kikay. “Unsay andam nga gipaningot man gani kog bugbug, bugnaw pa kaayo.” Ug gipun-an pa gyud, “ kinsa gung soresoha nga dili mo kuyos nga Dracula na gud na,”. “ Manan-aw na lang tag sine uy”. Pag abot gyud sa cinehan, milukat dayun ug ticket si Tikoy.

Leave a Reply

SCROLL TO TOP